Դոն Խուանի խելացի մտքերը. 168.am

Cluber.com.am կայքը ներկայացրել է հնդկական յակի ցեղի շաման դոն Խուանի մտքերը:

1. Վարվիր այնպես, ասես այս ամենը երազ է: Վստահ գործիր և արդարացումներ մի փնտրիր:

2. Շատ մի բացատրիր: Երբ բացատրում ես, թե ինչու կարող ես անել այս կամ այն բանը, իրականում ներողություն ես խնդրում քո թերությունների համար՝ հույս ունենալով, որ քեզ լսողները բարի կլինեն և կներեն դրանք:

3. Կյանքից առավելագույնը ստանալու համար պետք է կարողանա փոխվել: Ամենադժվարը փոխվել մտադրվելն է:

4. Ես երբեք չեմ բարկանում որևէ մեկի վրա: Ոչ-ոք չի կարող այնպիսի բան անել, որ արժանի լինի իմ այդպիսի ռեակցիային: Մարդկանց վրա բարկանում ես, երբ կարծում ես, որ նրանց արարքները կարևոր են: Նման բան ես վաղուց չեմ զգում:

5. Դու միշտ պետք է հիշես, որ ճանապարհն ընդամենը ճանապարհ է: Եթե զգում ես, որ պետք չէ գնալ այդ ճանապարհով, լքիր այն:

6. Եթե քեզ դուր չի գալիս այն, ինչ ստանում ես, փոխիր այն, ինչ տալիս ես:

7. Մարդկանց մեծ մասին խանգարողը ներքին երկխոսությունն է: Երբ մարդը սովորի այն կանգնեցնել, ամեն ինչ հնարավոր կդառնա: Ամենաանհավանական ծրագրերն իրականանալի են դառնում:

8. Որպես կանոն՝ մարդիկ իրենց հաշիվ չեն տալիս, որ ցանկացած պահի կարող են իրենց կյանքից հանել ամենը, ինչ հնարավոր է: Ցանկացած պահի: Վայրկենական:

9. Միակ խելամիտ խորհրդատուն, որ ունենք, մահն է: Ամեն անգամ, երբ զգում ես, որ ամեն ինչ վատ է դասավորվում, և դու տապալման եզրին ես, շրջվիր և մահիդ հարցրու՝ արդյո՞ք այդպես է, թե՞ ոչ:

10. Ամեն մեկը գնում է իր ճանապարհով: Եթե հաճույքով ես անցնում ճանապարհը, նշանակում է՝ դա քո ճանապարհն է: Եթե վատ ես զգում, ամեն պահի կարող ես փոխել այն, որքան էլ հեռու գնացած լինես: Եվ դա ճիշտ կլինի:

11. Մեզնից պահանջվում է մեր ամբողջ ժամանակը և էներգիան՝ մեր մեջ հիմարությունը հաղթահարելու համար:

12. Մեզանից յուրաքանչյուրն ինքն է իրեն կամ դժբախտ, կամ երջանիկ դարձնում: Աշխատանքի ծավալը թե՛ առաջին, թե՛ երկրորդ դեպքում նույնն է:

13. Գիտակ մարդ դառնալու համար պետք է պայքարող լինել և ոչ թե՝ նվնվացող երեխա: Պայքարել՝ չհանձնվելով, չբողոքելով, չշեղվելով, պայքարել այնքան ժամանակ, քանի դեռ արդյունքը չեք տեսել: Եվ այս ամենը նրա համար է, որպեսզի հասկանաք, որ աշխարհում չկա որևէ բան, որ նշանակություն ունի:

14. Այն, ինչ անում ես այս պահին, կարող է դառնալ քո վերջին քայլն այս աշխարհում: Աշխարհում չկա ուժ, որ կարող է երաշխավորել, որ ևս մեկ րոպե կապրես:

Հարցեր, պատասխաններ, մեկնաբանություններ